Zan dang ang lo
takin vawizan chu zantienga ka in inlawi le inruola ka thil hmu le ka
thil en le ngaithlak khan ka lungril a hung hluosip chu tie! A lo mak
thei ngei maw.... a mak ding renga a siemtupa mi siem khawm chu ei ni ta
el awm hi. Mani umna hmun in a zir bawk lei am ani, a zirnaw lei lem am
ani annawleh, nundan a danglam hrat taluo tah lei am ani ding chu, a
tien a tlanga mi tluon, mi kawi ni ngailoa ei hriet hai khawm khah "mi vawithu", "mi kei-ka", "mi ngaidan kawmaw" deu in an lo inchang tawl el taha. Annawleh, "mi hi hieng reng hi an nia, kei hi ruol ka ban tanaw lem am anta aw...??" tia kan ngai siet chang hlak chu bo lo. Lungrila ngaidan hung indawk hlak le, idea(ngaituona
var) hung inlang uou uou hlak hai khawm hi zuk hril dawk dingin mi
danghai ta leh an mil naw taluo ding ana tiin tlawmngai kan suoha ka to
in phing el hlak anih.
Ka lungrilah hin thil hung inlanghai chu pawl chi hni in ka thlier hran diem hlaka, chuonghai chu - (a) ngaidan, (b) ngaituona var. Ngaidan ti batallionah hin thil ei zuk intawngpui chara ei lungrila hung inlang hmasatakhai hi ka thlakkhawm a. Ngaituona var ti batallionah ruok hin chu, kha ei thil intawngpuihai a'nthawka ngaidan hung indawkhai a'nthawka ngaituona tha lem le fel lema inlanghai, ngaidan hmangtlak deu hai kha ka thlakkhawm nawka. Chuong ang pei chun keima tawk tawka hin ka lungril hi ka seng nasa ve thei em ema. Mi then tam tak chun tul lo le pawimaw tham lova khawm mi ngai mei an tih. A ieng ieng khawmin mi ngai hai sien la ka lungril kha ani meu sia, an thu le hla um bik lo chuh! Keikhawm anni mi ngaidanah chun hril ding iengkhawm mawphurna pekin ka um ve si naw lei chun an ngaidan chu ka thu le hla annaw ang hrimin ka van rawl ve rak rakna ding chu a um bik chuongnaw hle.
Ei buoinawna dingah ei buoi ei buoi hin ieng am hlawkna ei nei puia? ieng am tangkaina ei nei puia? HALO! i thaw ding tak i mawphurna ah khan hang chieng em em phawt la, chun buoi na ding awm le awmnaw chu i suisuok el thei awm lem ie. I thil hril lo ding ding lo hril pal hlau rawi i tih kha, fimkhur takin i lei kha veng tha hlak rawh uo BAI! "A du a da hril naw ning ungah, kei ka hril phak ve ding a um nawh , ka neka thiem lem le mi rawnkai lem a hril ding, a buoipui ding an tam." tia in phalam daka kil khata to ruou a i ngaidan ilo hril ve ser ser lai te kha hei ngaituo tha tam, ila hriet de maw??? Tu hlak hin a thiem filawr tak i hawi ta bak el! I hrietna khawm a hma nek chun ilo suk zau ve deu met ta khawm chu ni rawi naw nim, amiruokchu maw, "Khupin lu a khel thei nawh" an lo ti ang hrimin in hmaa i chunga um hai khawm khan an hrietna lo suk zau ve det peiin i chungah chu an la um tho ani uo. I hriet tul lo chen chen hriet tum ngai bawk naw HALO! i hriet tul sien chu hung hril el an ti che. Chun kawng khat ka lan cha nuom che, hi hi anih, i chieng bek naw chun chieng tum phawt la chun i chieng phat phat leh hma la chau hlak rawh uo. A ieng a khaw hmaa i thil hriet vuot leia i hung in per zawk el nghal kha chu awm le mawi ani ngai nawh. I chieng hnung khawm khan kha i thil chieng ah khan la hei inchie zawp met phawt la chuong chun Ngaidan mawi le Ngaituona var chu hung suok lem thei a tih.
Lungril thunun khawm hi inchuka hnesaw thei ngai anih. I lungril kha maw HALO, i thunun naw chun chu thil hung inlang hmasa sa ku kha "Baw-thut Policy" hmang i ta thaw tum thut el hlak i tih. Thil mawi khai ani ngai nawh chuong chu. Mi'n an hril an hrila i lungril ruok takah ilo nghawk vieu khawm alo ni thei, amiruokchu i nghawkna chu midang hriet dingin suk lang vat ngainaw. Alo hriethiem pawl nekin, alo hriethiem lo pawl le alo la kawi nuom pawl an tam lem chawk hlak ani. Mihriem hi ei ngaidan vawnga hem kawi thei ni hlak inla chu inhawi ti takin ei ngaidan seng hmangin khawvel ei khal ta ding bah! Chu el khelah, mi'n i ngaidan anlo intawmpui beknaw che ani khawma lunghnul el ngai naw rawh. An lo la ngaituo inthuk tawk nawa, i ngaidan inthuktak kha an la paw phak ve naw khawm ni thei ngai anih. Entirna dingin tuikhur khawm ei cho inthuk deu deua a tui a fim deu deuva, ei cho phuttir chun buong deu puotin, fim lo deuvin a um hlak. Chuong ang tho chun thil i ngaituo inthuk po leh a neka tha lem le awm lem hung suok pei el a tih. Theitawp suo in, i lungril kha thunun hei tum phawt la, i kawl le vela um hai khawm khan inhawi an ti pha ngei ka beisei.
Ei ngaidanhai seng hi ei dampui chu alo ni pei el chu anta na, ei chunga Pa hin ngaidan iengtin tak am a nei ve ding chu maw....?? Ei ngaidan le Roreltupa ngaidan hi lo inkal thut el ta sien la chu leh! Ei chan ding chu tap le ha rawt a zuk ni el ding chu ana. Eini lai ngei hlak chu thil a hlimum zawnga ngaituo hlak mi nekin a thanaw zawng le a kawi zawnga ngaituo hlak mi hi ei tam lem deu thaw ana. Khawvel hi ei ngaidan vawnga um ding nisien chu mi tha nekin mi thanaw hi ei tam lem ngei ka ring. Ei til inthenna zawng hai khawm hi a mak danglam thei ngei ie. A then mi sawisel dinga chem phawi sa zing, a then chu mi hlem dingin, a then nawk thung hlak chu umzie nei mang lova mi sukbuoi nuom lei reng renga puonbil kei sing saa um khawm ei tam! A ieng ieng khawm ni inla ami siemtu Pa'n a nuom dan le a dit dan taka ami siem ana, Ama'n a dit dan tak le tha le remchang a ti dan taka ro ami rel khumna hnuoia khawsa ei na, lungril hadamin, ngaidanhai thlitfim thaa, ngaituona var nei tuma, lungril thunun dan thiema, midang suknat tum lova, inthangpui intuoa mi danghai phurrik insawk zangkhaia lungruol taka um tlang diel diel in hringnun thar khal tum lem ei tiu khai!
Ka lungrilah hin thil hung inlanghai chu pawl chi hni in ka thlier hran diem hlaka, chuonghai chu - (a) ngaidan, (b) ngaituona var. Ngaidan ti batallionah hin thil ei zuk intawngpui chara ei lungrila hung inlang hmasatakhai hi ka thlakkhawm a. Ngaituona var ti batallionah ruok hin chu, kha ei thil intawngpuihai a'nthawka ngaidan hung indawkhai a'nthawka ngaituona tha lem le fel lema inlanghai, ngaidan hmangtlak deu hai kha ka thlakkhawm nawka. Chuong ang pei chun keima tawk tawka hin ka lungril hi ka seng nasa ve thei em ema. Mi then tam tak chun tul lo le pawimaw tham lova khawm mi ngai mei an tih. A ieng ieng khawmin mi ngai hai sien la ka lungril kha ani meu sia, an thu le hla um bik lo chuh! Keikhawm anni mi ngaidanah chun hril ding iengkhawm mawphurna pekin ka um ve si naw lei chun an ngaidan chu ka thu le hla annaw ang hrimin ka van rawl ve rak rakna ding chu a um bik chuongnaw hle.
Ei buoinawna dingah ei buoi ei buoi hin ieng am hlawkna ei nei puia? ieng am tangkaina ei nei puia? HALO! i thaw ding tak i mawphurna ah khan hang chieng em em phawt la, chun buoi na ding awm le awmnaw chu i suisuok el thei awm lem ie. I thil hril lo ding ding lo hril pal hlau rawi i tih kha, fimkhur takin i lei kha veng tha hlak rawh uo BAI! "A du a da hril naw ning ungah, kei ka hril phak ve ding a um nawh , ka neka thiem lem le mi rawnkai lem a hril ding, a buoipui ding an tam." tia in phalam daka kil khata to ruou a i ngaidan ilo hril ve ser ser lai te kha hei ngaituo tha tam, ila hriet de maw??? Tu hlak hin a thiem filawr tak i hawi ta bak el! I hrietna khawm a hma nek chun ilo suk zau ve deu met ta khawm chu ni rawi naw nim, amiruokchu maw, "Khupin lu a khel thei nawh" an lo ti ang hrimin in hmaa i chunga um hai khawm khan an hrietna lo suk zau ve det peiin i chungah chu an la um tho ani uo. I hriet tul lo chen chen hriet tum ngai bawk naw HALO! i hriet tul sien chu hung hril el an ti che. Chun kawng khat ka lan cha nuom che, hi hi anih, i chieng bek naw chun chieng tum phawt la chun i chieng phat phat leh hma la chau hlak rawh uo. A ieng a khaw hmaa i thil hriet vuot leia i hung in per zawk el nghal kha chu awm le mawi ani ngai nawh. I chieng hnung khawm khan kha i thil chieng ah khan la hei inchie zawp met phawt la chuong chun Ngaidan mawi le Ngaituona var chu hung suok lem thei a tih.
Lungril thunun khawm hi inchuka hnesaw thei ngai anih. I lungril kha maw HALO, i thunun naw chun chu thil hung inlang hmasa sa ku kha "Baw-thut Policy" hmang i ta thaw tum thut el hlak i tih. Thil mawi khai ani ngai nawh chuong chu. Mi'n an hril an hrila i lungril ruok takah ilo nghawk vieu khawm alo ni thei, amiruokchu i nghawkna chu midang hriet dingin suk lang vat ngainaw. Alo hriethiem pawl nekin, alo hriethiem lo pawl le alo la kawi nuom pawl an tam lem chawk hlak ani. Mihriem hi ei ngaidan vawnga hem kawi thei ni hlak inla chu inhawi ti takin ei ngaidan seng hmangin khawvel ei khal ta ding bah! Chu el khelah, mi'n i ngaidan anlo intawmpui beknaw che ani khawma lunghnul el ngai naw rawh. An lo la ngaituo inthuk tawk nawa, i ngaidan inthuktak kha an la paw phak ve naw khawm ni thei ngai anih. Entirna dingin tuikhur khawm ei cho inthuk deu deua a tui a fim deu deuva, ei cho phuttir chun buong deu puotin, fim lo deuvin a um hlak. Chuong ang tho chun thil i ngaituo inthuk po leh a neka tha lem le awm lem hung suok pei el a tih. Theitawp suo in, i lungril kha thunun hei tum phawt la, i kawl le vela um hai khawm khan inhawi an ti pha ngei ka beisei.
Ei ngaidanhai seng hi ei dampui chu alo ni pei el chu anta na, ei chunga Pa hin ngaidan iengtin tak am a nei ve ding chu maw....?? Ei ngaidan le Roreltupa ngaidan hi lo inkal thut el ta sien la chu leh! Ei chan ding chu tap le ha rawt a zuk ni el ding chu ana. Eini lai ngei hlak chu thil a hlimum zawnga ngaituo hlak mi nekin a thanaw zawng le a kawi zawnga ngaituo hlak mi hi ei tam lem deu thaw ana. Khawvel hi ei ngaidan vawnga um ding nisien chu mi tha nekin mi thanaw hi ei tam lem ngei ka ring. Ei til inthenna zawng hai khawm hi a mak danglam thei ngei ie. A then mi sawisel dinga chem phawi sa zing, a then chu mi hlem dingin, a then nawk thung hlak chu umzie nei mang lova mi sukbuoi nuom lei reng renga puonbil kei sing saa um khawm ei tam! A ieng ieng khawm ni inla ami siemtu Pa'n a nuom dan le a dit dan taka ami siem ana, Ama'n a dit dan tak le tha le remchang a ti dan taka ro ami rel khumna hnuoia khawsa ei na, lungril hadamin, ngaidanhai thlitfim thaa, ngaituona var nei tuma, lungril thunun dan thiema, midang suknat tum lova, inthangpui intuoa mi danghai phurrik insawk zangkhaia lungruol taka um tlang diel diel in hringnun thar khal tum lem ei tiu khai!
